ប្រែសម្រួលជាខេមរភាសាដោយ លី សុខណា

កម្ពុជារកចំណូលបាន ៣៧៦,៥៣ លានដុល្លារពីការនាំចេញអង្ករជាង ៥០៧ ០២៩តោន ទៅកាន់គោលដៅចំនួន ៦៦ នៅទូទាំងពិភពលោកក្នុងរយៈពេល ១០ខែដំបូងនៃឆ្នាំនេះ។

យោងតាមតួលេខពីសហព័ន្ធអង្ករកម្ពុជា អង្ករជាច្រើនប្រភេទត្រូវបាននាំចេញទៅកាន់គោលដៅនានា។ អង្ករក្រអូបឈរនៅកំពូលតារាងដែលបាននាំចេញ ៧៣,២១ភាគរយ តាមពីក្រោយដោយអង្ករស ២១,៧១ភាគរយ អង្ករសម្រូប ៣,០៤ភាគរយ អង្ករសរីរាង្គ ១,៧៤ភាគរយ និងប្រភេទផ្សេងទៀតមាន ០,៣ ភាគរយ។

អង្ករត្រូវបាននាំចេញដោយឈ្មួញនាំចេញចំនួន ៥៥ ទៅកាន់គោលដៅចំនួន ៦៦ ផ្សេងគ្នា។ អឺរ៉ុបនាំមុខការនាំចេញដែលមានចំនួន ២៥៤ ៩៤៥តោន ជាទឹកប្រាក់ស្មើ ១៩៦,៩៣ លានដុល្លារ សមាជិកអាស៊ានទទួលបាន ១០០ ៩៩៦តោន តម្លៃ ៦៦,៦១ លានដុល្លារ ចិន និងតំបន់ស្វយ័តរបស់ខ្លួនចំនួន ៩៣ ១៩៧តោន តម្លៃ ៦១,៤៨ លានដុល្លារ និងគោលដៅផ្សេងទៀតនាំចូល ៥៧ ៨៩១តោន តម្លៃ ៥១,៦១ លានដុល្លារ។

ស្រូវអង្ករ ដែលបាននាំចេញតាមព្រំដែន ចំនួនបួនលានតោនក៏ត្រូវបាននាំចេញផងដែរដែលមានតម្លៃ ១១៨៤,១៦ លានដុល្លារ។ សរុបចំនួន ៨៦ភាគរយនៃការនាំចេញ បានឆ្លងកាត់ដំណើរការផ្លូវការដោយទទួលបានការអនុវត្តជាឯកសារនាំចេញពីក្រុមហ៊ុនដែលមានអាជ្ញាបណ្ណ៕